• प्राधिकरण : ७८०९ मे.वा.घन्टा
  • सहायक कम्पनी : ३६२४ मे.वा.घन्टा
  • निजी क्षेत्र : ७९४६ मे.वा.घन्टा
  • आयात : १०१८५ मे.वा.घन्टा
  • निर्यात : मे.वा.घन्टा
  • ट्रिपिङ : १५ मे.वा.घन्टा
  • ऊर्जा माग : २९५७९ मे.वा.घन्टा
  • प्राधिकरण : ०० मे.वा.
  • सहायक कम्पनी : ०० मे.वा.
  • निजी क्षेत्र : ०० मे.वा.
  • आयात : ०० मे.वा.
  • निर्यात : ०० मे.वा.
  • ट्रिपिङ : ०० मे.वा.
  • उच्च माग : १६७१ मे.वा.
×

दुर्गम लोमान्थाङमा पुग्याे राष्ट्रिय प्रणालीको विद्युत, १६० घर झिलिमिली

२०७८ मङ्सिर १४

काठमाडौं । भाैगाेलिकरूपमा विकट मुस्ताङको लोमान्थाङ गाउँपालिकामा राष्ट्रिय प्रसारण प्रणालीको विद्युत सेवा पुगेको छ । नेपाल विद्युत प्राधिकरणकाे म्याग्दीस्थित तातोपानी वितरण केन्द्रले ११ केभी वितरण लाइन विस्तार गरी गाउँपालिकामा विद्युत पहुँच पुर्याएको हो ।

गाउँपालिकाको वडा नम्बर १, २, ३ र ५ का १६० घरधुरीमा विद्युत सेवा पुर्याएको केन्द्र प्रमुख शिवप्रसाद नेपालले बताए । उनका अनुसार गत मंसिर ६ देखि ११ गतेकाे बीचमा गाउँपालिकाका यी वडामा विद्युतीकरण विस्तार गरिएको हो । जिल्लाकाे लोघेकर–दामोदरकुण्ड गाउँपालिकाका सबै वडामा भने यसअघि नै विद्युतीकरण भइसकेको छ ।

‘भौगोलिकरूपमा विकट र दुर्गम क्षेत्रमा पर्ने सीमावर्ती स्थानीय तहमा विद्युतकाे सुविधा पुगेपछि स्थानीयवासीमा खुसियाली छाएको छ’ उनले ऊर्जा खबरसँग भने, ‘सेवा पुगेपछि घरायसी, कार्यालय तथा प्रशासनिक काम गर्न, इन्टरनेट चलाउन र सञ्चारका उपकरण प्रयोग गर्न सहज भएको छ ।विद्युत नपुग्दासम्म उज्यालोका लागि घरायसी प्रविधकाे सौर्य ऊर्जा  र टुकी बाल्नु पर्ने बाध्यता थियाे । अब याे बाध्यता हटेकाे छ ।’ 

लोमान्थाङ र लोघेकर–दामोदरकुण्ड गाउँपालिकामा राष्ट्रिय प्रसारणको विद्युत लाइन विस्तारका लागि गण्डकी प्रदेश सरकारले आव २०७५/७६ मा करिब ८ करोड रुपैयाँ विनियोजन गरेको थियो ।

चालू आर्थिक वर्षभित्र नै उपल्लो मुस्ताङका दुई वटा गाउँपालिकाका सबै बस्तीमा केन्द्रीय प्रसारण लाइनको विद्युत् सुविधा विस्तार गर्ने तयारीसहित काम भइरहेको पनि उनले बताए । केन्द्र अन्तर्गत प्राधिकरणको विद्युत सेवा लिने करिब १ हजार ३ सय ग्राहक छन् ।

प्रतिक्रिया

सम्पादक : लक्ष्मण वियोगी
© 2022 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit